ଦୋକାନରେ ନିଆଁ ଲାଗି ଜଣେ ଜୀବନ୍ତ ଦଗ୍ଧ

0 981


ଓଡ଼ିଶା ଫାଷ୍ଟ(ବ୍ୟୁରୋ): ବଲାଙ୍ଗିରରେ ଏକ ଦୋକାନରେ ନିଆଁ ଲାଗିଯିବାରୁ ଜଣେ ଜୀବନ୍ତ ଜଳିଯାଇଛନ୍ତି । ମୃତକ ଜଣକ ହେଲେ ୨୬ ବର୍ଷୀୟ ସୁରଜ କ୍ଷେତି ।

ସୂଚନା ଅନୁଯାୟୀ, ବଲାଙ୍ଗିର ସହରର ମାଲପଡ଼ା ଅଞ୍ଚଳର ସୁରଜ କ୍ଷେତିଙ୍କ ପିପି ଏକାଡେମୀ ଛକ ନିକଟରେ ଏକ ପାନ ଦୋକାନ ଥିଲା । ଗତକାଲି ରାତିରେ ସେ ଦୋକାନରେ ଶୋଇଥିବା ବେଳେ ପ୍ରାୟ ରାତି ୧୨ଟା ବେଳେ ଦୋକାନରେ ନିଆଁ ଲାଗି ଯାଇଥିଲା । ଟାଉନ୍ ଥାନା ପିସିଆର୍‌ ଟିମ୍‌  ଅଗ୍ନିଶମ କର୍ମଚାରୀଙ୍କୁ ସୂଚନା ଦେବାପରେ ଅଗ୍ନିଶମ କର୍ମଚାରୀ ଆସି ନିଆଁ ଲିଭାଇ ଥିଲେ। ନିଆଁ ଲିଭାଇବାପରେ ଦୋକାନ ଭିତରେ ସୁରଜ ଶୋଇଥିବା ଜଣାପଡିଥିଲା ।

BJD Ad Post

ଅପରପକ୍ଷରେ ସୁରଜଙ୍କ ପରିବାର ପକ୍ଷରୁ ଏହା ଏକ ହତ୍ୟାକାଣ୍ଡ ବୋଲି ଅଭିଯୋଗ କରାଯାଇଛି ।ତାଙ୍କ ବଡ଼ ଭାଇଙ୍କ କହିବା ମୁତାବକ ଦୁଇ ତିନି ଦିନ ତଳେ ଦୁଇ ଜଣ ପିଲାଙ୍କ ସହିତ ସୁରଜଙ୍କର କୌଣସି କଥାକୁ ନେଇ ଝଗଡା ହୋଇଥିଲା । ଗତକାଲି ସେହି ପିଲାମାନେ ମଦ ପିଇ ତାଙ୍କୁ ଧମକ ଚମକ ଦେଇଥିଲେ।

ପୁଲିସ୍ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇବା ସହ ପରିବାର ଅଭିଯୋଗ ମୁତାବକ ତଦନ୍ତ ଚଳାଇଛି ।

BJp Ad Post

Leave A Reply

Your email address will not be published.